Kidung Rumekso Ing Wengi

Ona kidung rumekso ing wengi
Teguh hayu luputo ing loro
Luputo bilahi kabeh
Jin setan datan purun
Paneluhan tan ono wani
Miwah panggawe olo
Gunaning wong luput
Geni atemahan tirto
Maling adoh tan ono wani ngarah ing mami
Guno duduk pan sirno

Sakehing loro pan samyo bali
Sakeh ngomo pan sami mirudo
Welas asih pandulune
Sakehing brojo luput
Kadi kapuk tibaning wesi
Sakehing wiso towo
Sato galak tutut
Kayu aeng lemah sangar
Songing landhak guwaning
Wong lemah miring
Myang pakiponing merak

Pagupakaning warak sakalir
Nadyan arca myang segoro asat
Temahan rahayu kabeh
Apan sariro ayu
Ingideran kang widodari
Rinekso malaikat
Lan sagung poro rosul
Pinayungan ing Hyang Suksmo
Ati Adam utekku baginda Esis
Pangucapku ya Musa

Nafasku Nabi Ngisa linuwih
Nabi Yakub pamirsaning wong
Dawud suaraku mangke
Nabi Ibrahim nyawaku
Nabi Sulaiman kasekten mami
Nabi Yusuf rupeng wong
Idris ing rambutku
Baginda Ngali kuliting wong
Abu Bakar geti daging Ngumar Singgih
Balung baginda Ngusman

Sungsumingsun Fatimah linuwih
Siti Aminah banyuning onggo
Ayup ing ususku mangke
Nabi Nuh ing jejantung
Nabi Yunus ing otot mami
Netraku ya Muhammad
Pamuluku Rosul
Pinayungan Adam Hawa
Sampun pepak sakathahe poro Nabi
Dadyo Sariro Tunggal



Kidung yang di gubah oleh Kanjeng Sunan Kalijogo